纹身=行古惑?咪玩啦!羊年代嘅谂法呀喂!既然「时光可变…世界可变」,时代变迁让纹身变成人体艺术,现今的纹身又岂止得龙虎凤,反而更多时系透过唔同嘅图像或文字,变成纹身去记录或提醒自己生活中嘅点滴。以下呢5位公认的型佬,唔单止将自己身体变成画布,亦因为佢的,令后生一辈更了解何谓纹身何谓人体艺术。
利申:我自己冇任何纹身,亦唔会鼓吹大家纹身,毕竟纹身系一辈子嘅烙印(唔好同我讲羊野用激光洗走),切忌因为一时衝动而影响日后工作同生活,共勉之。
「咸爷」David Beckham身上纹身多达40多个,图案大部份同宗教、家人名字、各国文字有关,最经典嘅就梗系由香港首席纹身师Gabe,喺2008年为佢纹上嘅「生死有命富贵由天」!
印象中嘅Johnny Depp系个不折不扣嘅型佬,以为劲多纹身,原来全身数埋得10个左右;又以为图案一定劲大美国主线,点知佢走文青艺术路线,将唔同嘅艺术派别纹上身,例如几何线条、写实人像图案、Pop Art风等等,你点会估佢!
最型大叔Nick Wooster嘅纹身走Old School美式风格,主要集中喺双臂同小腿位,要遮纹身只要著长恤衫同长裤就得。
讲纹身又点可以数漏「战神」Allen Iverson呢,身上一共有廿零个纹身嘅佢,最出名一定系颈上嘅「忠」字纹身,就系呢个「忠」字带起左西人纹汉字嘅,同时仲有「街场and 1文化」、Dreadlock头、Oversized篮球波衫等等,话佢系当年嘅潮流Icon绝对冇夸张!
由普通人变成“Zombie Boy”,加拿大籍嘅Rick Genest并非哗众取宠,主要系因为15岁果阵被诊断患有良性脑瘤,接受脑瘤切除后发觉有啲野需要及时行乐,所以决定同纹身师Frank Lewis创造左“Zombie Boy“出嚟。
公众号
byby686
粤式潮男
粤语|潮流|型男